पुणे : पुण्यातील मोदीबाग बागेमध्ये शरद पवारांनी पवार कुटुंबीयांना एकत्रितपणे बोलावलं असल्याची माहिती आहे. स्नेहभोजनासाठी पवार कुटुंबातील सर्वांना एकत्रित बोलावण्यात आलं आहे अशी माहिती आहे. सुप्रिया सुळे आणि सुनेत्रा पवार यांना देखील स्नेहभोजनासाठी आमंत्रित करण्यात आलं आहे. पुण्यातील मोदीबाग या शरद पवारांच्या निवासस्थानी सर्वांना निमंत्रित करण्यात आलेले आहे. गेल्या काही दिवसांपूर्वी शरद पवार यांच्यावर रुग्णालयात उपचार सुरू होते. त्यानंतर आज हे सर्व पवार कुटुंब एकत्रित येणार आहे, अशी माहिती आहे.
या भेटीचं कारण अद्याप समोर आलेलं नाही. मात्र पवार कुटुंबातील सर्व सदस्यांना जेवणासाठी म्हणून पवारांनी आमंत्रित केलेलं आहे, शरद पवार पुण्यातील त्यांच्या मोदीबाग या निवासस्थानी आहेत, उद्या पुन्हा ते मुंबईला जाणार आहेत. आजच्या या मुक्कामा दरम्यान शरद पवारांनी कुटुंबातील सर्व सदस्यांना जेवणासाठी म्हणून आमंत्रित केले आहे, त्याचबरोबर सुप्रिया सुळे यांची मुलगी रेवती सुळे यांचं लग्न देखील ठरलेले, याचं देखील निमित्त आहे का अशी चर्चा आहे, गेल्या काही दिवसात घडलेल्या राजकीय घडामोडीनंतर होत असलेल्या आजच्या भेटीचं नेमकं काय कारण आहे? अशी देखील चर्चा आहे. या भेटकडे सर्वांचं लक्षही लागलं आहे.
तर शरद पवार यांच्या निकटवर्तीयांकडून हा सोहळा पूर्णपणे कौटुंबिक असल्याचा सांगितलं जात आहे. यामध्ये कोणतीही राजकीय चर्चा होणार नाही असं सांगण्यात आलं आहे. पवार परिवारातील सर्वांना आमंत्रण देण्यात आलेला आहे, सुप्रिया सुळे, सुनेत्रा पवार, जय पवार, पार्थ पवार, युगेंद्र पवार, रोहित पवार, त्याचबरोबर ज्या व्यक्ती राजकीय क्षेत्रात नाहीत अशा सगळ्यांना निमंत्रण देण्यात आलेलं आहे, पण यामध्ये प्रत्यक्ष सहभागी कोण होतं हे पहावे लागेल, सुनेत्रा पवार मुंबईत असल्याची माहिती आहे, आज त्या मुंबईत म्हणतात की या कार्यक्रमासाठी घरी येतात ते पहावे लागेल.
शरद पवारांच्या घरी जमणार सगळे पवार कुटुंब जमणार आहे. पुण्यातील मोदी बाग या निवासस्थानी शरद पवारांनी पवार कुटुंबीयांना आमंत्रित केले आहे. राजकीय क्षेत्रात तसेच अराजकीय क्षेत्रात सक्रीय असलेले पवार एकत्र जमणार आहेत. शरद पवारांच्या घरी आज स्नेह भोजनाचा कार्यक्रम आयोजित केला आहे. पार्थ पवार, सुनेत्रा पवार आणि जय पवार यांना देखील आमंत्रण देण्यात आलं आहे. संध्याकाळी पाच वाजता पवार कुटुंब एकत्रित येणार आहे. रेवती सुळे यांचं लग्न ठरलं आहे त्यानिमित्त भोजनाचा कार्यक्रम आहे, अशी चर्चा आहे. त्याचबरोबर मिळालेल्या माहितीनुसार, जय पवार बाहेर आहेत, त्यामुळे ते गैरहजर राहण्याची शक्यता आहे. तर सुनेत्रा पवार आणि पार्थ पवार येऊ शकतात.
महाराष्ट्राच्या राजकारणात गेल्या काही दिवसांपासून 'पवार विरुद्ध पवार' असा संघर्ष पाहायला मिळत असतानाच, आता एक महत्त्वाची कौटुंबिक घडामोडी समोर येत आहे. राष्ट्रवादी काँग्रेसचे अध्यक्ष शरद पवार यांनी आज पुण्यातील आपल्या 'मोदीबाग' या निवासस्थानी संपूर्ण पवार कुटुंबीयांना स्नेहभोजनासाठी (Dinner) निमंत्रित केले आहे. शरद पवार गेल्या काही दिवसांपासून आजारी होते आणि त्यांच्यावर रुग्णालयात उपचार सुरू होते. प्रकृतीत सुधारणा झाल्यानंतर ते आता पुन्हा सक्रिय होत आहेत. याच निमित्ताने त्यांनी कुटुंबातील सर्व सदस्यांना एकत्र बोलावले असल्याचे सांगितले जात आहे. दुसरीकडे, सुप्रिया सुळे यांची कन्या रेवती सुळे यांचे लग्न ठरले आहे, त्यानिमित्ताने देखील ही भेट महत्त्वाची मानली जात आहे. मात्र, राजकीय वर्तुळात या भेटीकडे वेगळ्या नजरेने पाहिले जात आहे. बारामती पोटनिवडणुकीनंतर आणि अजित पवार यांच्या निधनाला तीन महिने पूर्ण होत असताना होत असलेल्या या भेटीमुळे राजकीय चर्चांना उधाण आले आहे.
शरद पवारांच्या निकटवर्तीयांनी ही भेट पूर्णपणे कौटुंबिक असल्याचे स्पष्ट केले आहे. यामध्ये कोणतीही राजकीय चर्चा होणार नाही, असे सांगण्यात आले आहे. मात्र, राजकीय विश्लेषकांच्या मते, ही भेट शरद पवार यांची प्रकृती आता उत्तम आहे आणि ते पुन्हा सक्रिय झाले आहेत. आज संध्याकाळी ५ वाजता मोदीबाग येथे हे स्नेहभोजन पार पडणार असून, या सोहळ्याला नेमके कोण-कोण उपस्थित राहते, याकडे संपूर्ण महाराष्ट्राचे लक्ष लागले आहे.
Post Views: 7
सर्व
सर्व
admin@sanjay
admin@Sanjay
