सैनिक कुटुंबीय स्नेह मेळावा उत्साहात व देशभक्तीमय वातावरणात संपन्न

खामगाव : भारताच्या 80 व्या स्वातंत्र्यदिनाचे औचित्य साधून आजी-माजी सैनिक कल्याणकारी बहुउद्देशीय संघटना, खामगाव (रजि. क्र. 263/25) यांच्या वतीने आयोजित “सैनिक कुटुंबीय स्नेह मेळावा” अत्यंत उत्साहपूर्ण, भावनिक आणि देशभक्तीने भारलेल्या वातावरणात मोठ्या दिमाखात संपन्न झाला.

या कार्यक्रमाला प्रमुख अतिथी म्हणून खामगाव विधानसभा मतदारसंघाचे आमदार तथा महाराष्ट्र राज्याचे कॅबिनेट मंत्री ॲड. आकाश भाऊ फुंडकर उपस्थित होते. तसेच आदरणीय सागरदादा फुंडकर, वंचित बहुजन आघाडीचे ओबीसी महासंघ जिल्हाध्यक्ष गणेश भाऊ चौकसे, धनगर समाज महाराष्ट्र क्रांतीचे अध्यक्ष माननीय शरद भाऊ वसत्कार, माननीय देशोन्नतीचे मुख्य संपादक श्री राजेश भाऊ, ज्येष्ठ पत्रकार माननीय जगदीशजी अग्रवाल, खामगाव प्रेस क्लबचे अध्यक्ष माननीय किशोर भाऊ भोसले, माननीय प्रशांत भाऊ देशमुख, प्रेस क्लब अध्यक्ष संभाजीराव टाले तसेच प्रेस क्लबचे पदाधिकारी व सदस्य मोठ्या संख्येने उपस्थित होते.

कार्यक्रमाच्या प्रारंभी उपस्थित मान्यवरांचा संघटनेच्या वतीने यथोचित सत्कार करण्यात आला. यावेळी प्रजापिता ब्रह्माकुमारी ईश्वरीय विश्वविद्यालयाच्या शकुंतला दीदी व सुषमा दीदी यांच्या प्रेरणादायी मार्गदर्शनाखाली सर्व उपस्थितांनी “नशामुक्त भारत” घडविण्याची सामूहिक शपथ घेतली. यावेळी मेजर भारत जाधव यांच्या मातोश्री श्रीमती सुनीताताई जाधव, व्हेटरन मास्टर वॉरंट ऑफिसर श्री प्रभाकरराव बुराडे, माजी नगरपरिषद सभापती विलास काळे, पत्रकार ईश्वरसिंह ठाकूर, पत्रकार स्वप्निलजी ठाकरे यांच्यासह अनेक मान्यवरांची उपस्थिती लाभली.

सैनिक रत्न विजेत्यांचा भव्य गौरव

बुलढाणा जिल्ह्यातील “सैनिक रत्न” पुरस्कार प्राप्त आजी-माजी सैनिकांचा विशेष सन्मान या सोहळ्यात करण्यात आला. देशसेवेसाठी दिलेल्या योगदानाबद्दल सर्व मान्यवरांचा सन्मानचिन्ह, शाल व पुष्पगुच्छ देऊन गौरव करण्यात आला.

यामध्ये सैनिक रत्न रामराव वामनराव देशमुख, सैनिक फेडरेशन महाराष्ट्र राज्य, जिल्हा बुलढाणा; अध्यक्ष, आजी-माजी सैनिक कल्याणकारी बहुउद्देशीय संघटना, खामगाव; तसेच राष्ट्रीय लोक स्वातंत्र्य पत्रकार महासंघाचे संघटन प्रमुख यांच्यासह —

सुभेदार ज्ञानेश्वर तायडे, हवालदार शंकर खंडारे, सुभेदार चंद्रकांत पहुरकर, हवालदार बळवंत नानाराव देशमुख, हवालदार शंकर मोतीलाल चौकसे, हॉटेल सैनिकचे संचालक, सुभेदार मेजर संजय माझोडकर, हवालदार ज्ञानदेव हरीबा गायकवाड, नायक रवींद्र पवार, सुभेदार अंबादास गणगे, नायक मधुकर सुर्वे, लान्स नाईक मंगेश खीरडकर, हवालदार अशोक दामोदर नांदुरा, हवालदार महादेव चोपडे नांदुरा आणि हवालदार रत्नाकर वानखेडे यांचा विशेष गौरव करण्यात आला.

सैनिक सभागृह व शहीद स्मारकासाठी जागेची ऐतिहासिक मागणी कार्यक्रमातील सर्वात महत्त्वाचा क्षण म्हणजे खामगाव येथे सैनिक सभागृह व शहीद स्मारक उभारण्यासाठी जागा उपलब्ध करून देण्याबाबतचे निवेदन मंत्री ॲड. आकाश भाऊ फुंडकर यांना सादर करण्यात आले.

सैनिकांच्या कुटुंबीयांसाठी सामाजिक, सांस्कृतिक व कल्याणकारी उपक्रम राबविण्यासाठी कायमस्वरूपी जागेची आवश्यकता असल्याचे संघटनेने स्पष्ट केले. या मागणीची गंभीर दखल घेत मंत्री ॲड. आकाश भाऊ फुंडकर यांनी खामगाव येथे सैनिक सभागृह व शहीद स्मारकासाठी जागा उपलब्ध करून देण्यासाठी लवकरच सकारात्मक व ठोस कार्यवाही करण्याचे ठाम आश्वासन दिले.

देशभक्तीपर गीतांनी भारावले वातावरण

स्वर साधना म्युझिकल ऑर्केस्ट्रा, नांदुरा यांच्या देशभक्तीपर गीतांनी संपूर्ण सभागृह भारावून गेले. “वंदे मातरम्”, “सारे जहाँ से अच्छा” यांसारख्या गीतांनी उपस्थितांच्या मनात देशप्रेमाची ज्योत अधिक प्रज्वलित केली. उपस्थितांनी टाळ्यांच्या गजरात कलाकारांचे उत्स्फूर्त स्वागत केले.

कार्यक्रमाचे अत्यंत प्रभावी, ओघवते व आकर्षक सूत्रसंचालन सौ. सुचिता उमेश तायडे यांनी केले. त्यांच्या सुमधुर निवेदनशैलीमुळे कार्यक्रमाला विशेष रंगत आली.

पत्रकार व मान्यवरांची लक्षणीय उपस्थिती

या स्नेह मेळाव्याला खामगाव शहरातील पत्रकार बांधवांनी मोठ्या संख्येने उपस्थित राहून कार्यक्रमाला व्यापक प्रसिद्धी व सहकार्य दिले. सैनिक व पत्रकार यांच्यातील सामाजिक नाते अधिक दृढ झाल्याचे या निमित्ताने दिसून आले.

कार्यक्रमाचे मुख्य आयोजक व अध्यक्ष रामराव वामनराव देशमुख यांच्या मार्गदर्शनाखाली संपूर्ण कार्यक्रम यशस्वीरीत्या पार पडला. कार्यक्रमाचा समारोप हवालदार शंकर भाऊ खंडारे यांनी केला.

संस्मरणीय व प्रेरणादायी सोहळा

संपूर्ण कार्यक्रम शिस्तबद्ध, भावनिक आणि देशभक्तीने ओतप्रोत वातावरणात पार पडला. सैनिक, त्यांच्या कुटुंबीय, पत्रकार, सामाजिक कार्यकर्ते व नागरिकांच्या उत्स्फूर्त सहभागामुळे हा स्नेह मेळावा खरोखरच संस्मरणीय ठरला.

“ज्यांनी देशासाठी आपले सर्वस्व अर्पण केले,

त्यांच्या कुटुंबाचा सन्मान करणे हीच खरी देशसेवा!”

जय हिंद! जय भारत! जय महाराष्ट्र!

जय जवान! जय किसान!