महाराष्ट्राच्या पोलीस महासंचालकपदी रश्मी शुक्ला यांची नियुक्ती होणार?

कोर्टाकडून रश्मी शुक्ला यांना दिलासा

रश्मी शुक्ला यांनी राष्ट्रवादी काँग्रेसचे आमदार एकनाथ खडसे आणि ठाकरे गटाचे खासदार संजय राऊत यांचा फोन टॅप करुन त्यांच्या संभाषणाची माहिती देवेंद्र फडणीस यांना दिल्याचा आरोप करण्यात आला होता. याप्रकरणी मुंबईतील कुलाबा पोलीस ठाण्यात गुन्हा दाखल करण्यात आला होता. तर पुण्यात पोलीस आयुक्त असताना काँग्रेसचे प्रदेशाध्यक्ष नाना पटोले यांचा फोन टॅप केल्याप्रकरणी गुन्हा दाखल करण्यात आला होता.

याप्रकरणी कोर्टात रश्मी शुक्ला यांनी भूमिका मांडल्यानंतर कोर्टाने हे दोन्ही गुन्हे रद्दबातल ठरवले होते. याशिवाय सायबर पोलीस ठाण्यात याप्रकरणी दाखल करण्यात आलेल्या गुन्हे प्रकरणातही सर्व कारवाई थांबवण्यात आली होती. त्यानंतर शुक्ला यांची पोलीस महासंचालकपदी नियुक्ती केली जाण्याची शक्यता आहे. रश्मी शुक्ला यांच्या नियुक्तीवर आता विरोधी पक्षाच्या नेत्यांकडून काय प्रतिक्रिया देण्यात येते ते पाहणं महत्त्वाचं ठरेल.