कोल्हापूर:हनुमान मंदिराचा ९ डिसेंबरला कलशरोहन लाईनबाजारमध्ये विविध कार्यक्रमांचे आयोजन

 *कोल्हापूर*- कसबा बावडा लाईन बाजार येथील ग्रामदैवत हनुमान मंदिराचा कलशारोहण सोहळा गुरुवार दिनांक ९ डिसेंबरला करवीर पीठाचे जगद्गुरु शंकराचार्य यांच्या हस्ते व आडी चे परमात्मराज राजीव जी महाराज, रामनाथगिरी समाधी मठाचे भगवान गिरी महाराज यांच्या उपस्थितीत होणार आहे. कार्यक्रमाच्या अध्यक्षस्थानी पालक मंत्री ना.श्री.सतेज पाटील असणार आहेत अशी माहिती हनुमान मंदिर जीर्णोद्धार कमिटीचे अध्यक्ष सूर्यकांत तोडकर यांनी पत्रकार परिषदेत दिली. यानिमित्त बुधवार दिनांक ८ ते १० डिसेंबर अखेर विविध धार्मिक कार्यक्रमांचे आयोजनही करण्यात आले आहे. बुधवार दिनांक ८ डिसेंबर रोजी सकाळी हनुमान मंदिर येथून पालखी व कळस गाव प्रदक्षिण, सायंकाळी पाच वाजता हॉकी मैदानावरील खेळण्याचे उद्घाटन, गुरुवारी दिनांक ९ डिसेंबर रोजी सुवासिनीमार्फत मार्फत कलशातून आणलेल्या पंचगंगा पाण्याने मिरवणुकीत जलपूजन व अभिषेक. त्यानंतर वास्तुशांती व होमहवन, सकाळी ९.४५  वाजता कलशारोहन होणार आहे. शुक्रवारी १०डिसेंबर रोजी सकाळी ११ वाजता मंदिर आवारात महाआरती व महाप्रसाद असे कार्यक्रम होणार आहेत.अशी माहिती हनुमान मंदिर जिर्णोध्दार कमेटीचे अध्यक्ष व लोकस्वातंत्र्य पत्रकार महासंघ या अखिल भारतीय स्तरावरील समाजाभिमुख पत्रकार संघटनेचे केन्द्रीय  मार्गदर्शक तथा सल्लागार सदस्य श्री सुर्यकांतजी तोडकर यांनी दिली आहे.