विद्यापीठ हायस्कूलमध्ये शालेय मंत्रीमंडळ शपथविधी समारंभ

पुणे - महर्षी कर्वे स्त्री शिक्षण संस्थेच्या विद्यापीठ हायस्कूल,पुणे. येथे लोकमान्य टिळक पुण्यतिथी व अण्णाभाऊ साठे यांच्या जयंतीचे औचित्य साधून प्रशालेत शालेय मंत्रिमंडळ शपथविधी कार्यक्रम संपन्न झाला. या कार्यक्रमासाठी प्रमुख पाहुणे म्हणून मार्तंड देव,जेजुरी संस्थांचे विश्वस्त व पुणे बार असोसिएशनचे माजी अध्यक्ष ॲड.पांडुरंग थोरवे उपस्थित  होते.                             

विद्यार्थ्यांमधून भावी मंत्री व मुख्यमंत्री होतील अशी आशा व्यक्त केली. शालेय जीवनातच विद्यार्थ्यांमधून उद्याचे सक्षम नेतृत्व उदयास येईल व ते जबाबदार नागरिक बनतील, त्यांच्या नेतृत्व गुणांचा विकास होईल असे प्रतिपादन केले. महाराष्ट्रात भविष्यात होणाऱ्या निवडणुकीत जेजुरीच्या खंडोबा रायाच्या कृपेने पहिली महिला मुख्यमंत्री बनेल अशी आशा त्यांनी व्यक्त केली. विद्यार्थ्यांना मंत्रिमंडळ कामकाजाचा प्रत्यक्ष अनुभव मिळावा. बालवयातच लोकशाही मूल्यांची रुजवणूक व्हावी या उद्देशाने या कार्यक्रमाचे आयोजन करण्यात आले. 

लोकमान्य टिळकांची माहिती श्रावणी झोरे व अपेक्षा मगर यांनी तर अण्णाभाऊ साठे यांची माहिती दुर्गा बोराडे या विद्यार्थिनीने सांगितली. विद्यार्थ्यांनी अण्णाभाऊ साठे यांच्या जीवनावर आधारित पोवाडा सादर केला. राज्यपाल सचिन जयस्वाल याला प्रमुख पाहुणे पांडुरंग थोरवे यांनी शपथ दिली. मुख्यमंत्री अपेक्षा मगर हिला राज्यपालांनी शपथ दिली.निवडून आलेल्या सर्व नवनिर्वाचित मंत्र्यांना मुख्यमंत्र्यांनी शपथ दिली . कार्यक्रमाचे सूत्रसंचालन स्नेहा वाघमारे यांनी केले. पाहुण्यांचा परिचय चव्हाण यांनी तर आभार संध्या आवेकर यांनी मानले. स्मिता जाधव यांनी शालेय.      मंत्रीमंडळाच्या कामकाजाविषयी माहिती दिली व खातेवाटप केले. राज्यपाल, मुख्यमंत्री, शिक्षण (अभ्यास) मंत्री, सांस्कृतिक कार्यमंत्री, आरोग्य व स्वच्छता मंत्री, शिस्त मंत्री, प्रार्थना व परिपाठ मंत्री, वाचनालय मंत्री, क्रीडामंत्री, पर्यावरण मंत्री, सहल मंत्री, शालेय पोषण आहार मंत्री अशा विविध खात्याचे मंत्रिमंडळ तयार करण्यात आले.  मुख्याध्यापक विष्णू मोरे,शिक्षक प्रतिनिधी गौरी गोळे ,वैशाली सैंधाणे,प्रमोदिनी कबुले,मनोहर निकम, रेश्मा देवकाते, तेजस्विनी निरगुडे,पल्लवी अभंग,  सुप्रिया बीरजे ,रेश्मा पुरी , मंदा काशिद, दीपक आगवणे , चंद्रकांत कुडले ,सुभाष कांबळे, अपूर्वा आदलिंगे व विद्यार्थी मोठ्या संख्येने उपस्थित होते.