*चिखलीतील दादां, भाऊं पोलिसांच्या रडारवर! -

 बुलडाणा( स्वप्निल देशमूख): वाहनांच्या क्रमांकांना दादा, भाऊ अशा अक्षरांसारखे आकार देऊन मिरवणाऱ्या किंवा जय श्रीराम, मोरया, जय भीम असे थेट वाहनाच्या नंबर प्लेटवरच लिहून टाकणाऱ्या वाहनचालकांविरोधात  चिखली पोलीस ॲक्शन मोडवर आले आहेत. ठाणेदार विलास पाटील यांनी रस्त्यावर उतरून मोटार वाहन कायद्याचे उल्लंघन करणाऱ्या ७२ वाहनचालका विरुद्ध केसेस करून २२,००० रुपयांची शनिवारी दंडात्मक कारवाई केली.

चिखली पोलीस ठाण्याचा नव्यानेच पदभार घेतलेल्या ठाणेदार विलास पाटील यांनी अवैध दारू विक्रीवर आणि वाहतुकीला शिस्त लावण्यासाठी नियमांची पायमल्ली करणाऱ्या वाहनधारकांवर कारवाईचा दंडूका उगारला आहे.अलीकडे वाहनांना फॅन्सी क्रमांकाच्या प्लेट बसवण्याचे प्रकार वाढलेत. वाहनांच्या क्रमांकांना वेगवेगळी वळणे देऊन त्यांना अक्षरासारखे स्वरूप देऊन वेगवेगळे शब्द तयार करण्याची क्रेझ चालकांमध्ये वाढत आहे. परंतु वाहतूक नियमांनुसार वाहनांच्या प्लेटवरील क्रमांक स्पष्टपणे आणि दुरूनही समजतील असे असणे बंधनकारक आहे. फॅन्सी क्रमांकाच्या प्लेटमुळे नियमांचा भंग होतो. मोटार वाहन कायद्यानुसार अशाप्रकारे वाहन क्रमांक किंवा प्लेटममध्ये छेडछाड करता येत नाही